Хүний ген гэж юу вэ?

Хүнд үндсэндээ 23 хос хромосом байдаг. Ээжээс талыг нь ааваас мөн талыг нь өвлөн авдаг. Тиймээс ямар ч хүүхдийн ДНК 50% нь ээжтэй нь, 50% нь аавтай нь давхацдаг байна. Эцэг тогтоох шинжилгээ нь аргачлалын хувьд тун энгийн. Тусгай төхөөрөмжөөр хүүхдийн ДНК аас хромосомын локус хэмээх удамшлын мэдээлэл агуулагдах хэсгийг тодруулан, түүнийгээ микроскопын тусламжтайгаар хэдэн сая дахин томруулж хараад, эхлээд эхийнх  нь генийг тодорхойлсны дараа, үлдсэн хэсгийг эцгийнх нь мэдээлэлтэй тулгаж үзнэ. Хэрэв таарч байвал тухайн эрэгтэй биологийн хувьд 99,9%-ийн магадлалтайгаар хүүхдийн эцэг мөн байна гэсэн үг. Харин мэдээлэл нь хоорондоо давхцахгүй байвал уг хүүхэд тухайн эрэгтэйтэй цусан төрлийн ямарваа нэгэн хамаарал алга гэдэг нь эргэлзээгүйгээр тогтоогдлоо гэсэн үг юм. Эцэг тогтоолгох шинжилгээг хүүхэд төрөхөөс өмнө ч хийж болдог, дараа нь ч хийж болдог. Гэхдээ жирэмсэн байх үедээ хийлгэх нь ихээхэн эрсдэлтэй байдаг. Учир нь хэвлийд байгаа үрээс генийн дээж авахын тулд зүүгээр нэвт хатгах шаардлагатай болдог тул энэ нь ургийн хэвийн хөгжил болон жирэмслэлтийн явцад сөргөөр нөлөөлөх магадлалтай. Тиймээс ийм төрлийн шинжилгээг генетикийн хэвийн бус хөгжлийг эрт оношлоход хэрэглэх нь юу юм гэхээс хардамтгай харцуулийн сониуч занг тайтгаруулах журмаар хийх нь тун зохимжгүй. Насны хязгаарлалт эцэг тогтоолгох шинжилгээнд байдаггүй. Бурхан болоод олон жил өнгөрч байсан ч гэнэт хүүхэд нь гарч ирээд шинжилгээ хийлгэнэ гэвэл бүх зүйл үнэнээр тогтоогдоно. Мөн хуулийн зөвөлгөө заавал авах хэрэгтэй шүү. Үүнээс гадна, уг шинжилгээг хийлгэхэд оролцогч талуудаас зөвшөөрөл авах шаардлагатай байдаг тул хуулийн асуудалууд нь нэлээн ярвигтай байдаг. Ер нь гэр бүлийн асуудалаар эрх зүйн чиглэлээр мэргэшсэн хуульчаас урьдчилан зөвөлгөө авч бай.

Family and people.mn